Sad School 😞🎒
بیچارا سکول — ایک نظر انداز کی گئی حقیقت
ہم اکثر بات کرتے ہیں بیچارے استاد کی،
بیچارے والدین کی،
بیچارے بچوں کی۔
لیکن کبھی سوچا ہے
بیچارا سکول بھی ہوتا ہے؟
خاص طور پر ہمارے گلی محلے کے پرائیویٹ سکول۔
📍 حقیقت نمبر 1: ہر پرائیویٹ سکول برانڈ نہیں ہوتا
یہ مان لینا چاہیے کہ 10 فیصد سکول بڑے برانڈز ہیں،
اصل اکثریت ان چھوٹے، عام محلے کے سکولوں کی ہے
جو نہ چین ہیں، نہ فرنچائز، نہ سرمایہ دار۔
یہ وہ سکول ہیں جو ریت کے گھروندوں پر کھڑے ہوتے ہیں،
پتہ نہیں ہوتا کب کون سا مسئلہ، کس دن گرا دے۔
📍 حقیقت نمبر 2: خرچ ہر مہینے ہے، آمدن غیر یقینی
سکول مالک خود کھائے یا نہ کھائے لیکن
ٹیچر کی تنخواہ دینی ہے،
ملازم کی سیلری دینی ہے،
بجلی، گیس، پانی کے بل دینے ہیں،
چھٹیوں میں بھی دینا ہے،
گرمیوں میں بھی دینا ہے۔
گھر میں چائے کے پیسے نہ ہوں
تب بھی سکول کا نظام چلانا ہے۔
یہ ہے بیچارا سکول۔
📍 حقیقت نمبر 3: سکول کی آمدن کا صرف ایک راستہ
سکول کے پاس کوئی بزنس نہیں،
کوئی فیکٹری نہیں،
کوئی دوسرا ذریعہ نہیں۔
صرف ایک راستہ ہے: فیس
اور ہمارے معاشرے میں فیس کا حال کیا ہے؟
مہینوں فیس نہیں دی جاتی،
ٹائم پر فیس نہیں دی جاتی،
فیس بڑھانے پر شور مچ جاتا ہے،
واویلا شروع ہو جاتا ہے۔
لیکن وہی والدین
ہزار کا پیزا کھا لیتے ہیں،
پانچ ہزار کی تفریح کر لیتے ہیں،
موبائل، نیٹ، شاپنگ سب چلتا ہے۔
مگر بچے کی درسگاہ پر خرچ؟
یہ بوجھ لگتا ہے۔
یہ تلخ ہے، مگر سچ ہے۔
📍 حقیقت نمبر 4: آمدن سلو، اخراجات فاسٹ
یہاں سب سے بڑا مسئلہ یہ ہے:
سکول کے پاس آنے کا راستہ سست ہے
اور جانے کا راستہ تیز۔
اخراجات ہر مہینے دوڑتے ہیں،
اور آمدن صبر، وقت، منت اور انتظار مانگتی ہے۔
ایسے میں سکول کیسے مضبوط ہو؟
📍 حقیقت نمبر 5: اوپر سے مزید بوجھ
ٹیکس،
حکومتی فیسیں،
مختلف محکموں کے مطالبات،
اچانک نوٹس،
اچانک جرمانے—
یہ سب اسی بیچارے سکول کے کندھوں پر،
جو پہلے ہی پس رہا ہے۔
🧠 اصل سوال
ہم استاد کے لیے آواز اٹھاتے ہیں،
یہ درست ہے۔
لیکن کیا کبھی ہم نے
سکول کے لیے بھی سمجھ دکھائی؟
یہ آپ کے بچوں کی درسگاہ ہے،
کوئی دشمن نہیں۔
اگر سکول کا نظام کمزور ہوگا تو
استاد کیسے خوش ہوگا؟
تعلیم کیسے بہتر ہوگی؟
بچہ کہاں جائے گا؟
Comments
Post a Comment